Rekrutuesit kujdesen për përvojën e secilit kandidat.
Procesi i përzgjedhjes mund të ndryshojnë në varësi të nivelit të senioritetit dhe pozitës. Ai mund të përfshijë gjithashtu një raund shtesë vlerësimi në formën e pjesëmarrjes në ushtrime të assessment-it.
Çdo aplikim për ne është i rëndësishëm, ne vlerësojmë kohën dhe përpjekjen tuaj. Transparenca dhe komunikimi në kohë janë pjesët më të rëndësishme të procesit tonë të përzgjedhjes. Besojmë se çdo kandidat meriton informacion të qartë – prandaj përpiqemi që pas çdo raundi të përzgjedhjes, të gjithë kandidatët të njoftohen me kohë për hapat e ardhshëm, pavarësisht rezultatit.
Çdo bisedë është një mundësi e re për të njohur njerëz të talentuar që duan të rriten me ne. Nëse po kërkon aventurën tënde të radhës në karrierë – mezi pres të flasim!
Kërkojmë përputhjen e duhur,
jo një CV të përsosur.
Si duket procesi i përzgjedhjes në Nelt? Thjeshtë, i hapur dhe pa stres.
-
1
Aplikimi
Hapi i parë drejt punësimit në Nelt është aplikimi në një pozicion të shpallur vakant përmes faqes sonë të karrierës, ku mund të shihni të gjitha pozicionet aktualisht të hapura. Me një klikim mbi pozicionin e dëshiruar, sistemi ju udhëzon drejt aplikimit direkt, ku do të dorëzoni CV-në dhe informacionet bazë për veten.
-
2
Intervista me HR
Kandidatët që do te kualifikohen per shkak te CV-se (pershtatshemerise me pozicionin vacant) do të ftohen në intervistë, jo më vone se brenda dy javësh. Në këtë intervistë duam t’ju njohim më mirë, por edhe’t ju prezantojme Nelt. Do të keni mundësi të bëni pyetje, sepse nuk jemi vetëm ne që ju zgjedhim ju, por edhe ju që zgjidhni ne.
-
3
Intervista teknike
Në fazën e dyte te intervistave do të takoheni me drejtuesin tuaj të mundshëm, i cili do t’ju japë më shumë informacion për ekipin me të cilin do të bashkëpunoni, mënyrën e punës në kompani, si dhe do t’ju prezantojë mundësitë për mësim dhe zhvillim profesional brenda Nelt.
-
4
Testimi Online-Assessment
Nëse profili juaj përputhet me kërkesat e pozicionit, (per rastet e pozicionive te nivelit te mesem edhe te larte drejtues) ne do t’ju ftojmë në testim online (teste personaliteti dhe motivimi) që na ndihmojnë të vlerësojmë më mirë tiparet tuaja dhe potencialin për përgjegjësitë e ardhshme.
Ne investojmë në atë që ka vërtet rëndësi - në ty.
Tek ne, zhvillimi yt nuk është “shtesë”, por pjesë e planit. Përmes programeve të zhvillimit, konferencave, mentorëve dhe mundësive ndërkombëtare, të mbështesim të ecësh përpara – profesionalisht dhe personalisht. Sepse kur rritesh ti, rritet edhe e gjithë historia.
Programet zhvillimore
Qoftë se sapo po fillon apo dëshiron të forcosh aftësitë e tua në një nivel më të lartë, programet tona zhvillimore janë këtu për të të mbështetur. Trajnime praktike, trajnerë të brendshëm dhe të jashtëm, sfida reale biznesi – të gjitha këto të ndihmojnë të rritesh në drejtimin që të intereson.
Programet e talentëve
Programet tona për talentë janë zgjedhja e duhur për ty. Nëpërmjet rotacioneve në departamente të ndryshme, punës në projekte strategjike dhe mentorimit të drejtpërdrejtë me ekipin e menaxhimit, përfiton përvoja që të formësojnë për sfidat që vijnë. Të përgatisim për një rol që sjell përgjegjësi, por edhe mundësinë për të lënë gjurmë.
Konferenca profesionale
Nëse e sheh veten si një lider të ardhshëm, programet tona të talentëve ofrojnë rotacione, projekte strategjike dhe mentorim nga menaxhmenti që të përgatisin për role me përgjegjësi dhe mundësinë për të lënë gjurmë.
Karriera ndërkombëtare
Karriera ndërkombëtare në Nelt do të thotë punë në ekipe multikulturore, shkëmbim dijesh dhe përvojash, por edhe mundësinë për të punuar për një periudhë në vende të tjera. Besojmë se mobiliteti dhe bashkëpunimi global pasurojnë punën e përditshme, zgjerojnë horizontet dhe të përgatisin për të gjitha sfidat që mund të sjellë karriera.
Pyetje të shpeshta
Kur mund të pres një përgjigje për procesin e përzgjedhjes?
Zakonisht 2 deri në 4 javë. Kohëzgjatja ndikohet nga numri i kandidatëve dhe lloji i pozitës. Pas çdo faze, nëse rezultati është negativ, përgjigjen do ta merrni me email; nëse është pozitiv, do të kontaktoheni me telefon. Rezultatin përfundimtar do ta merrni brenda 15–20 ditëve.
Çfarë mund të pres në intervistën e dytë?
Intervista e dytë është me drejtuesin e drejtpërdrejtë dhe njihet si intervistë teknike, pasi fokusohet te njohuritë dhe kompetencat funksionale. Në këtë fazë do të merrni më shumë informacion mbi organizimin e punës dhe specifikat e vendit të punës.
A kam mundësi avancimi në kompani?
Patjetër! Avancimi varet nga performanca juaj dhe kompetencat që kërkohen për një pozicion të nivelit më të lartë. Ne kultivojmë një kulturë të lëvizjeve të brendshme.
A do të jem i/e trajnuar për kërkesat e vendit të punës?
Periudha e onboarding-ut siguron kalimin e informacionit, njohurive dhe aftësive të nevojshme për të kryer me sukses detyrat. Roli kyç është i mentorit, drejtuesit tuaj dhe kolegëve që ju mbështesin. Për shumicën e pozitave, kjo periudhë zgjat 1–3 muaj.
A ka periudhë prove dhe a paguhet?
Po, çdo pozicion ka një periudhë prove prej 3 muajsh, e cila është gjithmonë e paguar.
A jam i siguruar dhe a respektohen aspektet ligjore të punësimit?
Po, punonjësit sigurohen mbi të gjithë shumën e pagës dhe nënshkruajnë kontratë pune. Gjithashtu respektohen të gjitha të drejtat, si pushimet vjetore dhe ditët zyrtare/jofunksionale për festa.
A ka kod veshjeje për intervistë?
Po. Është e rëndësishme të lini përshtypje profesionale. Kandidatët nuk duhet të paraqiten me shapka, sandale, pantallona të shkurtra, fustane shumë të shkurtra, bluza me rripa të hollë, kapele sportive etj. Në rast mospërputhjeje me kodin e veshjes, hyrja në kompani nuk do të lejohet.
A ofrohet transport deri në kompani?
Transporti është përgjegjësi personale e aplikantit.
Çfarë ndodh nëse nuk ka pozicione të hapura për mua?
Mund të aplikoni përmes pozicionit të hapur “Apliko këtu” dhe CV-ja juaj do të ruhet në bazën tonë të të dhënave. Ne do t’ju kontaktojmë nëse hapet një pozicion i përshtatshëm.
Janë intervistat “online” apo fizikisht?
Nëse jeni nga Tirana dhe Durrësi, preferojmë intervista fizike, por për raste specifike aplikohen edhe intervistat online nëpërmjet Teams/Google Calendar, etj.
Kujt t’i drejtohem për pyetje shtesë?
Na shkruani në: hr.al@nelt.com
A mund të aplikoj edhe pa përvojë pune, sapo jam diplomuar?
Po, ofrojmë pozita fillestare, programe praktike dhe mentorim për zhvillim të shpejtë të karrierës.